الثلاثاء، ١٤ أكتوبر، ٢٠٠٨
عـــــــــــــودة مصــــــــــراوي....كله يوســـــع
السلام عليكم ورحمة الله وبركاته.....تحياتي لكل الاخوة والاخوات رفقاء عالم التدوين....أتمني ان حد يكون لسه فاكرني....
اربع شهور غياب بسبب جوازي مش بس الجواز بس الكمبيوتر كان فيه مشكلة وانا كنت معتقد انها مشكلة كهربا لدرجة اني جبت
جهاز ستابيليزر وبردو ما اشتغلش والاخر انها طلعت مشكلة بسيطة ف الكمبيوتر وفترة علي ما اشتركت في الدي اس ال....
وف النص طبعا احداث كتيرة منها اني بدأت تخصصي كطبيب أطفال وانتقالي الي مستشفي جديدة....ومرض والدي ووفاة جدتي
وبردو رمضان الوقت فيه بيمر بسرعة.....بعتذر لكل المدونين والمدونات علي عدم المتابعة بس انا فعلا كنت من غير كمبيوتر لفترة طويلة
وبعدين اجي ادخل سايبر الاقي اغلبه شوية مراهقين شغالين games وتهريج بكون محرج فجربتها مرة او اتنين ومكنتش بكمل تلت ساعة
وأقوم اجري بحس اني هتشبه.....بس اخيرا ركبت الدي اس ال وهنطلق ان شاء الله ع الاقل كمتابع جيد ....
والأحدث الجميل الجديد في حياتي .....اني منتظر حاليا مصراوي الصغير فياريت تدعولي ان يرزقني الله الذرية الصالحة
وهجيلكم مدوناتكم قريبا جدا وانتظروا تعليقاتي .....دمتم بخير وسلام الله عليكم جميعا
الاشتراك في:
تعليقات الرسالة (Atom)
26 تعليقك هــنا:
ياسلاااام :)
حمدا لله على سلامتكم أخونا الكريم مصراوي أوي
وألف مليون هنية زواجكم الميمون
بارك الله لكما وبارك عليكما وجمع بينكما في خير
ربنا يباركلكم ومصراوي الصغنن ييجي بالسلامة :)
في انتظار الجديد :)
عود حميد وفى إنتظار الجديد
بارك الله لكما وبارك عليكما وجمع بينكما فى خير
إذن عوداً أحمد
بارك الله لكما وبارك عليكما ورزقكما الذرية الصالحة التي تقر أعينكما بها إن شاء الله
.
إيمان
مبارك يا حبيب والله لقد طفت بخيالي في ليالي رمضان فدعوت لك
مصراوى افندى
:)
الف مبروك على الزواج
اللى بقاله اربع شهور ده
ومبروك على الدى اس ال
وان شاء الله نشوفك كتير
كنت عرفت خبر زواجك من خلال فاروتا
المهم ننتظرك دوما
نورت التودين من جديد
هههههه ربنا يرزقك بالذرية الصالحه ان شاء الله
السلام عليكم
ماااااااااشاااااء الله
الف مليون مبروك ايه الصدف السعيدة دى بس
ربنا يتمم لكم على خير يارب ويعين المودااااااام على الحمل :(
الفرق مش كبير تلات شهور بس ...انا حاجزة مصراوى الصغير من دلواقتى ادينى بقول اهوا
حمد الله على السلامه
واسألكم الدعااااااااااااااااااااااااء
لان البيبى كل شويه يلعب ويدخلنى المستشفى شويه ويخرجنى
عود حميد
وسعنا السكة أهوه
لما نشووووووووووف
(::
طبببببببببببببببعاً كله يوسع
ونورت النت و الحمدالله أنك كنت فى سعاده
وألف ملييييار مبروك على أحلى لقب فى العالم بابا
يا رب يا بابا مصراوى تتهنى بطاعه المصراويه الصغار وأن يكونو من حفظه القرأن و العاملين به و يقر عينك بهم فى الدنيا و الاخره
حمد الله على السلامة
ايه الغيبة دي كلها؟؟؟
مبارك الزواج و ربنا يرزقك بالذرية الصالحة يا رب
ألف سلامة على الوالد يا رب يكون بخير دلوقتى ، و البقاء لله في جدتك ربنا يرحمها و يدخلها فسيح جناته
مستنيين الجديد و ماتغيبش تاني
السلام عليكم
وعليكم السلام ورحمة الله وبركاته ؛
لو على 4 شهور فبسيطة ؛
عودا حميدا ...
ومبروووك الزواج وربنا يوصل مصراوي الصغير على خييير .
وألف سلامة على الوالد ؛ أسأل الله العظيم رب العرش العظيم أن يشفيه ...
فى انتظار الجديد ....
مبروك الزواج
ومبروك العودة ففى انتظار الجديد
تحياتى لحضرتك
السلام عليكم
ألف مبروك على الزواج
ألف مبروك على مصراوى الصغير
ألف مبروك على الدى اس ال
ألف مبروك على الاستبلايزر
ألف مبروك عودتك للتدوين
كده كام ألف ؟؟؟
ياخمسوميت ألف مبروك أخى الكريم وكل عام وأنت وأسرتك الجديدة بخير وسعادة دائما
سلامى للوالد شفاه الله وعافاه والبقاء لله فى جد حضرتك والعمر الطويل ليكم
سبحان الله العظيم أحداث كتيرة حصلت عندك فى اربعة شهور
بس أنا حاسة انهم أكتر من كده حضرتك بقالك يجى سنة
حمداً لله على سلامتك أخوى الحبيب
وإن شاء الله تكون معنا دائماً قلبا وقالباً
وألف مبروك على العيادة الجديدة وكمانا لعروسة
وربنا يبارك لك فيها ويجعل لك الذرية الصالحة إن شاء الله
حمداااا لله على السلامة
والله نورت :)
ومبروك زواجك وكل الاحداث الحلوة اللى حصلت فى حياتك
وربنا يرزقك الذرية الصالحة
ونشوف مصراوى الصغير مدون كبير قد الدنيا
فى انتظارك جديدك لاننا اكيد مينفعش نستنى مصرواى على ما يكون مدون :D
:)
احلى التبريكات بأحلى المناسبات وان شاءالله تشربوا الموغات زى ماشربتوا الشربات وعودات حميدات ونقرا احلى التدوينات والسلام عليكم والتحيات الطيبات
مصراوي اوي
السلام عليكم عودا حميدا ونورت
عالم التدوين من تاني
ومبارك عليك مصيراوي اوي
تصغير مصراوي
ربنا يجعله ذرية صالحة ليك وتشوف بره
ويجي بالسلامة
ومشكور علي الزيارة
بوركت
حمدا لله على السلامة يا رجل، لكم وحشة، والعقبى لتهنئتكم بوصول مصراوي الصغير سالما إن شاء الله.
بارك الله لكما وبارك عليكما وجمع بينكما فى خير
ونسأل الله أن يجعلها ذرية صالحة بإذن الله
أخي وحبيبي ابو ولي العهد أيا كان اسمه أو اسمها، طبعا انا مش هبأركلك ع الجواز والا دي تبقى المرة المليون وتزهق مني، لكن انا لازم أباركلك على ولي العهد اللي نتمنى انه يشرف على خير وأن يكون أحد أهم أسباب عخلا، واحشني يا راجل ياطيب والله يسامح الجواز اللي خدك منا لكن عوضي أني أطمئن عليك من الاهل هنا ربنا يجمعنا بك على خير، أحبك في الله>>اكيد طبعا عرفتني
مبروك عليك الزواج
بالرفاه وةالبنين ان شالله
وان شالله ولي العهد يوصل بالسلامه
وتفرح فيه
ومرحبا بعودتك:)
السلام عليكم ورحمة الله وبركاته
نتشرف أن ندعوكم إلي زيارة رابطتنا " هويتي إسلامية ".
رابطتنا جسر من التواصل بين المدونين أصحاب الفكرة
رابطتنا رفض لما يبعدنا عن هويتنا الإسلامية
نحن أصحاب الفكرة انتم أصحاب الانجاز
كونوا معنا للرقي و النهوض
الدعوة خاصة ليست عامة لنا شروط فيمن ندعوهم أنت واحدا منهم
بارك الله لكما وبارك عليكما وجمع بينكما في خير
عودا احمدا
السلام عليكم
ياااااااااااااااااه
مصراوى
ازيك يااخى
الف مبروك الزواج
والف سلامة لوالدك
والبقاء لله فى جدتك
والف سلامة على الجهاز
والف مبروك على الدى اس ال
وطبعا طبعا الف مبروك على مصراوى الصغير
ربنا يكملها على خييييييييير يااااارب
الف الف مبروك
وربنا يجعله ذرية صالحة
وحمدلله على السلامة الرجوع من تانى
كل سنة وانت طيب بمناسبة العيد الكبير
تحياتى ليك
السلام عليكم ورحمة الله وبركاته
الف مبارك يا سيدي مع انها متأخرة عذرا ..
بارك الله لكما وبارك عليكما وجمع بينكم في خير
وكل عام وانتم بخير بحلول عيد الأضحى المبارك
كل عام وانتم على صعيد عرفات
كل عام وانتم من الحجيج
كل عام وانتم من الملبين
كل عام وانتم من المكبرين
كل عام وانتم من المهللين
كل عام وانتم مغفور لكم
كل عام وأنتي حرة يا أمتي
......أخوكم سعيد
إرسال تعليق