السلام عليكم اخواني واخواتي المدونين والمدونات........طبعا انا مش غايب ولا حاجة وعلي طول معاكم في مدوناتكم وان كان مش كتير
بس متواجد يعني دا غير اني ملك الشات بوكس علي رأي أمولا...........من كتر ما الكلمة اتقالتلي كل شوية اين جديدكم اين جديدكم؟؟؟؟
سرحت مع الكلمة علي المستوي الشخصي والمستوي المحلي والمستوي الدولي كمان........
علي المستوي المحلي أحب اشيد جدا بالحزب الوطني الديمقراطي دول لقين عندهم جديد يعني اين جديدهم جاهز جدا......يعني الموضة
القديمة بتاعت تزوير الانتخابات بطلوها خلاص في حاجة موديل 2008 ممنوع اساسا الترشيح في بعض المحافظات عايزين الف جنيه
من كل مرشح في مناطق تانية يتخطف الورق في مناطق تالتة يتعمل طوابير وهمية فأول جايزة للتجديد اهديها للفكر الجديد للحزب الوطني
ولما فكرت قلت طيب لما الحزب الوطني عنده الجديد فين جديدنا احنا؟؟؟لقيت ان في ناس احسبهم مخلصين عندها جديد وللأسف انا مكنتش
معاهم لقيت جديدهم حماس بيتحرك لمقاومة فساد المحليات لقيت اعتصامات واحتجاجات .....لقيت ناس مش هاممها لا اعتقالات
ولا ايذاءات طالما ايمانهم دايما متجدد قلبهم عنده جديد......مش قلوب ماتت بسبب دوامة الدنيا
لقيت عملية استشهادية في القدس الغربية في مدرسة يهودية......ايوة جديدهم موجود ومقاومتهم جديدة لم ولن ينجح الاحتلال الصهيوني
الغاشم في وقفها....وهذا بالطبع فضل من ربنا يمن به علي من يشاء من عباده
علي المستوي الشخصي ادعولي بقي يبقي عندي جديد.......عايز مكان تاني غير اللي بشتغل فيه.......عايز الدنيا متاخدنيش.......
عايز ابقي من اللي عندهم ايمان متجدد دائما وربنا يبعدنا عن جديد الحزب الوطني
تحياتي ليكم جميعااااااااااااااااااااااا وشكر خاص للمدونة العالمية أمولا
